Arna Stjarna

Og slagsmálunum linnti !!!!

Jæja elskuleg um landið þvert og endilangt og þið ukkar sem yfirgefið hafið vort yndislega, um skamma hríð eða til langframa. Það er nú af okkur í nefndinni helst að frétta að haldinn var langur og strangur fundur í viku liðinni. Það sló í brýnu milli nefndarmanna og engu mátti muna að blóðug átök brytust út og var deiluefnið það að hvort reyna ætti að ná samningum við Ragga Bjarna eða Sumargleðina, á staðinn til að skemmta okkur á hátíðinni tilvonandi. Það er nú engum blöðum um það að fletta að engin samstaða náðist og umræðurnar urðu heitar, fúkyrði fengu að fjúka og Guð minn góður á himnum og allir hans englar. Ég get sagt ukkur það að ég hélt að þarna yrðu stjórnarslit bara…En viti menn Sigríður Morthens bara sló þéttingsfast í borðið og allt datt í dúnalogn. Ja hún Sigríður ætti bara að verða kennari það get ég sagt ukkur, ég er nú hrædd um að Sigríður sú er kenndi okkur um árið hefði fegin þegið ósköplítið af agahæfileikum nöfnu sinnar. Nú bið ég ukkur kæru samnemendur að koma með ukkar álit á fyrrnefndum skemmtikröftum og ef þið munið eftir einhverjum öðrum stórstjörnum vorra tíma, að geta þeirraJ Örfá orð hafa bæst í orðaleikinn góða. Flapalegur = hirðulaus um klæðaburð og framkomu.Hímaldi =slæpingi, letingi.Fermur = duglegur. Leggjum þetta nú vel á minnið því hver gleypir ekki við álitlegum vinning á krepputímumJ Knús frá nefndinni. Ja…………. hún SigríðurJ

Flokkur: Menntun og skóli | 16.12.2008 | 01:25 | Facebook

Athugasemdir

ja hérna þetta hefur verið hinn besti fundur,vona að þið stillið ykkur fyrir næsta fund,nú annars verður Svanur Varðstjóri frá Halakoti að sitja fundin til að tryggja að ekki fari allt úr böndunum...

Hrönn Arnardóttir (IP-tala skráð) 16.12.2008 kl. 21:36

Ég gleymdi að minnast á skemmtikraftana....man eftir dískóteki sem Ingvar Erlings og Birnir voru með,man bara ekki allveg hvað það hét?kannski kveikir einhver á því....þá voru allir á Diskóteki í "millet úlpu"og "henson galla"með varalit sem hafði verið keyftur eftir krókaleiðum í snyrtivöruverslun á laugaveginum...minnir að hann hafi verið svona eins og olíubrák..bleikur,blár.hvítur æiæi þið munið...

Hrönn (IP-tala skráð) 16.12.2008 kl. 22:05